昨晚 老朋友跟我說今天是QE的home coming day 無奈要做事太多難以抽空 雖然我physically無法回去 但我mentally確有回去走了一圏
想起很多零碎混亂的點點滴滴 畫面卻仍舊清晰 特意記下以免日後忘個光光
miss wong的"you sit probably.otherwise i telephone your mum"。miss chiu的細路仔字。比林sir用到開哂叉o既白板筆。以後都無可能再睇到濕陳個郁動幅度好細但速度好高o既咀。乾陳的六隻手指。miss chung的"他ti ti ti ti 他丫"同讀得好好聽的"renaissance"。音樂室那凹凸不平的白板。柔揚o既校歌。369唱的浪花一朵朵。馬穎幗o既心動。mrs liu用佢好好聽o既英文講victor emmanual the second。"and then na"o既李sir。周紅的"弊在賂秦.賂秦而力虧.破滅之道也"。第一次作一首叫"天與地'o既新詩。用happy birthday to you的音調唱o既"枯藤老樹昏鴉.小橋樓水人家.古道西風瘦馬.夕陽西下.斷腸人在天涯"。.mr north食煙食到黑哂o既十隻手指頭。miss鄭講o既"清風不識字何事弄翻書"。陳國平的"杇木不可雕"。差唔多全部都係自己簽o既回條。叫我地要用海綿飲水o既彭德成。話兩個結左婚o既人好似兩粒結合左o既粒子咁唔代表唔會分開o既張sir。嗰時成日都要背到e+仲記得勁清楚的二十個elements。上堂唔敢望人淨係敢望住個鐘o既bio sir(我真心唔記住佢姓咩)。咩都揾師傅同成日話個projector臭o既phy潘。成日問人學號扣人分o既郭太。香氣四溢o既肥葉。副校教的"giggling"。開學無幾耐嚴正地叫我地唔好將d M布塞喺廁所格的miss吳。極不情願的跑九。中五時代的蛇舞。成班坐喺拎住個乒乓ball拋下拋下扮係做緊運動o既pe堂。一行入課室我就要打乞嚏的闊太miss潘。成日話自己勁窮o既根叔。成日大叫人地唔好喺圖書館嘈以及罸學生喺圖書館笑o既杜太。因經常遲還書而寫到無位寫的借書卡背。行到圖書館最入嗰排中下位置o既麥o麥書。成日跑的"亞馬遜森林"。可以盡情哂太陽同唱歌的走廊位。由雨條頸巾組成終點站係廁所的"火車"。臨離開時吹起的紫雨風暴。KIK KIK。風花雪牌唔係智障膏。38。串屋雪麗糕。啤牌。寫左好短時間但意義重大o既簿。一放學就去女人街食tea的時光。高爾夫球場的沙地。school camp的韆鞦。成世人第一次見到o既藍色螢火蟲。望穿秋水終於盼到o既西霸亭尖。跑完學界一定會去食但e+已經執左笠的冰果店。余民樂的長腿。我開頭覺得佢地勁襯但後來發現佢地原來係姐弟的兩個型人。中一時帶我地入hall的靚女prefect。好似女仔o既"封建"。飛筆大鬧"垃圾"但陰氣好重o既CI。interesting孖寶。好似熊仔o既切菜。教過我打籃球一日咁大把o既石石。曾經因為太多人恰佢而令我好唔開心o既小飛象。永遠見到佢條馬尾轉完又轉o既趙詠儀。長跑隊簿簿。曾經好反感但e+真心覺得佢幾其實幾靚仔的"噴水池"。電眼教練。咩住個結他勁型但原來係黎教作文而且會cup白兔印比學生o既王貽興。殺死人。春天時節會飄到校園各角的棉花。足球場的草香味。勁混沌但仍然有魚奇蹟地生存o小魚池。小賣部的木枱。次次練完跑後行極都行唔上去更衣室門前o既幾級樓梯。日暮o既黃昏。落斜路o既橙燈。消散的同學。模糊o既笑臉。街童般o既歲月。逝去o既青春。似水o既年華。
